ဒီနေ့မှာပဲ ရန်ကုန်မြို့ Sule ShanGri La Hotel (Traders) မှာကျင်းပပြုလုပ်ခဲ့တဲ့ Samsung GALAXY Tab S ရဲ့ မိတ်ဆက်ပွဲကျင်းပခဲ့တယ်။
Samsung GALAXY Tab S ဟာ Tablet လို့ခေါ်ပေမဲ့လဲ ဖုန်းပြောဆိုချင်းပြုနိုင်ပါတယ်။ အရွယ်အစားအနေနဲ့ 10.5 လက်မနဲ့ 8.4 ဆိုပြီးအရွယ်အစားနှစ်မျိုးထွက်ရှိမှာပဲဖြစ်ပါတယ်။ နှစ်ခုလုံးမှာ Finger Print Sensor ပါဝင်ပါတယ်။
၁၀.၅ လက်မအရွယ်အစားရှိတဲ့ Tab S ကတော့ menu button, home button နဲ့ back button ကိုတော့ အလျှားလိုက်ထားရှိထားတာကိုတွေ့ရပါတယ်။ Battery က 7900 mAh ဖြစ်ပါတယ်။ အလေးချိန်အနေနဲ့ 467 g ရှိမှာဖြစ်ပါတယ်။ (iPad Air က 478 g ပါ)။ ပါးပါးလေးဖြစ်ပြီး ၆.၆ မီလီမီတာ အထူသာရှိပါတယ်။ (iPad Air က ၇.၅ မီလီမီတာပါ။)
10.5 လက်မ
၈.၄ လက်မအရွယ်အစားရှိတဲ့ Tab S ကတော့ button တွေကို အောက်ဖက်မှာ ဒေါင်လိုက်ထားရှိထားမှာဖြစ်ပါပြီး။ Battery အနေနဲ့ 4900 mAh ပါဝင်မှာဖြစ်ပါတယ်။ အလေးချိန်ကတော့ 298 g ရှိမှာဖြစ်ပြီး။ အထူကတော့ ၆.၆ မီလီမီတာပဲဖြစ်ပါတယ်။
8.4 လက်မ
တစ်ခြား specs တွေကတော့ ၁၀.၅ နဲ့ ၈.၄ မှာတူတူပဲဖြစ်ပြီးအောက်ပါအတိုင်းပဲဖြစ်ပါတယ်။
Display – 1560 x 1600 (WQXGA), Super AMOLET
Chipset - Adonis Prime + XMM7160
Memory - 3GB RAM, 16/32 GB Memory, MicroSD (up to 128GB)
Camera - 8 MP, 2.1 MP (front)
Connectivity - Wi-Fi 802.11 a/b/g/n/ac, Bluetooth 4.0, 2G, 3G, LTE
OS - Android 4.4 Kitkat
တစ်ခြား ထူးခြားတာတွေကတော့ Samsung Tab S ဟာ Samsung ရဲ့ High End Tablet တစ်ခုဖြစ်ပြီး Android OS အသုံးပြုရတာနှစ်သက်တဲ့သူတွေအတွက်တော့ အကြိုက်တွေ့စေမှာပါ။ Super AMOLED ကိုအသုံးပြုထားတာကြောင့် အရောင်အလွန်တောက်ပပါတယ်။ ကျွန်တော့ကို Samsung GALAXY Tab S မှာအကြိုက်ဆုံး ပြောပါဆို Display ပါပဲ။ Super AMOLET display ဟာ အလွန် အရောင်စိုပြီး ကြည့်ရတော်တော်လေးကောင်းပါတယ်။ (ကျွန်တော့ iPad Air နဲ့ brightness အဆုံးယှဉ်ကြည့်တာမှာ သိသာပါတယ်။) နောက်ပြီး SIM Card ထည့်ကာဖုန်းခေါ်ဆိုမှုပြုလုပ်နိုင်ပါတယ်။ Finger Print Sensor ကိုထည့်သွင်းပေးထားပါတယ်။ Office အတွက်လဲ Hancom Office ကိုထည့်သွင်းပေးထားပြီးသားဖြစ်တဲ့အတွက် word, excel, powerpoint အစရှိတာတွေကို ဖွင့်နိုင်မှာဖြစ်ပါတယ်။ iPad ထက်သာလွန်သွားတဲ့အချက်တွေကတော့ weight, thickness မှာ ပိုပေါ့၊ ပိုပါးပါတယ်။ SIM Card ထည့်ပြီးဖုန်းပြောနိုင်တဲ့အပြင် Samsung ဖုန်းနဲ့ချိတ်ဆက်ကာလဲ ဖုန်းပြောနိုင်ပါတယ်။ (ဒီ feature က iOS 8 မှာပါမယ်ဆိုပြီးပြောထားတုန်းပဲရှိပါသေးတယ်။)
အားနည်းချက်အနေနဲ့ ၁၀.၅ လက်မအရွယ်အစား Tablet မှာ button တွေဘေးကိုရောက်နေခြင်းက စိတ်အနှောက်အယှက်ဖြစ်စေပါတယ်။ Camera 8 Mp ဆိုပေမဲ့ ရုပ်ထွက်မကြည်လှပါဘူး။ Galaxy S5 တို့လို Note III တို့မှာပါဝင်တဲ့ camera မျိုးမဟုတ်ပါဘူး။ Finger Print Sensor က လက်ချောင်းကို တည့်တည့်ပွတ်ဆွဲမှရတာဖြစ်တဲ့အတွက် 10.5 အရွယ်အစားမှာ အလျှားလိုက် သေချာကိုင်ပြီး ပွတ်ဆွဲဖို့ဆိုတာ မလွယ်ကူတဲ့ ကိစ္စတစ်ခုပါ။
Samsung GALAXY Tab S ကို သတ်မှတ်ဆိုင်တွေမှာ June လ ၄ ရက်နေ့ စတင်ရောင်းချမှာဖြစ်ပြီး ပထမဆုံးဝယ်ယူသူတစ်ယောက်ကို 2NE1 လက်မှတ်တစ်စောင်စီပေးမယ်လို့သိရပါတယ်။ နောက်ထပ် ၅၀ ဦးကိုတော့ Discount ၅၀၀၀ ကျပ်အပြင် ၁၀၀၀၀ တန် top up card သုံးကတ်စီလက်ဆောင်ပေးသွားမယ်လို့သိရပါတယ်။
No comments:
Post a Comment